BSRB, ASÍ, BHM, KÍ, Jafnréttisráð og Jafnréttisstofa bjóða til hádegisverðarfundar þriðjudaginn 8. mars klukkan 11:45 á Grand hótel Reykjavík í tilefni af alþjóðlegum baráttudegi kvenna.
Yfirskrift fundarins er „Örugg í vinnunni? – Kynbundin og kynferðisleg áreitni á vinnustöðum“.
Félagsmenn FFR eru eindregið hvattir til þess að taka þátt.
Íbúð félagsins á Akureyri er laus núna um helgina. Upplagt að skella sér norður á skíði í vetrarfríinu. Sótt er um á orlofsvef félagsins.
Félagsmenn athugið, nýting orlofshúsa félagsins er heldur lítil fram að sumarúthlutun. Flestar helgar eru lausar og svo til allir virkir dagar. Þeir sem hafa hug á að nýta sér leigu orlofshúsa fram að sumarúthlutun geta farið inn á orlofssíðu félagsins (http://orlof.is/ffr/site/rent/rent_list.php.) og kannað hvort að þar leynist tímabil sem myndu henta fyrir notalega stund í orlofshúsi FFR. Engir punktar eru teknir fyrir vetrarleigu, gjaldskrá er að finna við hvern orlofskost og vert er að hafa í huga að ,,fyrstur kemur, fyrstur fær".
