Fréttir

|

Starfsmenntunarsjóður FFR

Á heimasíðu félagsins er nú að finna reglur og umsóknareyðublað fyrir Starfsmenntunarsjóð FFR.

Á flipanum Kjaramál velja menn styrkir og endurmenntun (neðsta val) og sjá þá neðst á þeirri síðu sér lið sem ber heitið Starfsmenntunarsjóður FFR. Þar er að finna starfsreglur og umsóknareyðublaðið.

|

Félagsfundur í dag

Við minnum félagsmenn á að boðað hefur verið til félagsfundar í Marklandi, Flugstöð Leifs Eiríkssonar kl. 17:45 í dag miðvikudaginn 30. september.

Það er von okkar að félagsmenn sjái sér fært um að fjölmenna á fundinn.

 

Dagskrá fundar er:

  • 6 mánaða uppgjör FFR
  • Starfsmenntunarsjóður FFR
  • Trúnaðarmenn FFR
  • Önnur mál

 

Stjórn FFR

|

Félagsfundur

Boðað er til félagsfundar FFR miðvikudaginn 30. september 2015, kl. 17:45.

Fundurinn verður haldinn í Marklandi, Flugstöð Leifs Eiríkssonar og eru félagsmenn hvattir til þess að fjölmenna á fundinn.

 

Dagskrá fundar:

1. 6 mánaða uppgjör FFR

2. Starfsmenntunarsjóður FFR

3. Trúnaðarmenn FFR

4. Önnur mál

 

FFR félagsfundur

 

|

Fréttabréf

Nú hafa allir félagsmenn fengið fréttabréf FFR sent í tölvupósti.

Við vekjum athygli félagsmanna okkar á því að boðað verður til félagsfundar í Keflavík þann 30. september nk.

Fréttabréf FFR september 2015

|

Yfirlýsing vegna bókunar í kjarasamningi

Kæru félagsmenn FFR hjá ISAVIA

Í kjarasamningi félaganna frá apríl í fyrra er bókun er segir að ef launataxtar á almennum markaði hækka árin 2015 og 2016 umfram umsamda launahækkun í kjarasamningi SFR, FFR og LSS skulu félagsmenn okkar njóta þess.

Til samræmis við bókunina hafa SFR, FFR og LSS gengið frá samkomulagi um hækkun launatöflu félagsmanna hjá Isavia fyrir árin 2015 og 2016. Samkomulagið byggir á blandaðri leið krónutölu og prósentuhækkana.

Launatafla verður birt undir kjarasamningum á heimsíðu félagsins. Einnig má nálgast töfluna með því að opna skjal "Yfirlysing_Bokun" hér að neðan.

Yfirlysing_Bokun.pdf

|

Fundur vegna Bókunar 1 í kjarasamningi

Fulltrúar FFR, SFR og LSS sátu í dag fyrsta fund með Isavia ohf og SA varðandi Bókun 1 í gildandi kjarasamningi. 
Nú hafa SGS, LÍV og Samiðn undirritað kjarasamninga við SA og því er tímabært að hefja viðræður við Isavia ohf og SA vegna bókunarinnar. 
Eins og félagsmenn okkar muna án efa segir Bókun 1 að verði almenn hlutfallshækkun launa í aðalkjarasamningum SA við SGS/LÍV/Samiðn umfram 2,75% árið 2015 muni hækkun í okkar samningi skv.2.gr. (2,25% hækkun í launatöflu) aukast um mismuninn á almennri hlutfallshækkun þeirra samninga og 2,75%. Hið sama mun einnig eiga við um almenna hlutfallshækkun launa árið 2016. Þ.e. að þær hækkanir sem samningar SGS/LÍV/Samiðn færa þeirra félagsmönnum skulu einnig koma til okkar félagsmanna að frádregnum 0,5%. 
Áhugasamir geta nálgast umrædda nýundirritaða kjarasamninga á veraldarvefnum vilji þeir kynna sér þá nánar.
Næsti fundur vegna bókunarinnar verður strax í byrjun næstu viku og komum við boðum til félagsmanna um leið og niðurstaða liggur fyrir.